«Pavlodar qalasyn - Nurkent, al oblysty Nurarqa dep atasaq...»- respýblıkalyq basylymdarǵa sholý
«Egemen Qazaqstan» gazetiniń jazýynsha, keshe Memleket basshysy Nursultan Nazarbaev Qazaqstan Respýblıkasynyń Kólik jáne kommýnıkatsııa mınıstri Asqar Jumaǵalıevti qabyldady. Qabyldaý kezinde A.Jumaǵalıev Memleket basshysy vedomstvonyń aldyna qoıǵan tapsyrmalar men mindetterdi oryndaý jóninde, sonymen qatar, kólik-kommýnıkatsııa kesheniniń maqsatty ındıkatorlarǵa jetýdegi atqarǵan jumysy jóninde baıandady. Atap aıtqanda, mınıstr qazaqstandyqtardyń ınternet júıesine qoljetimdiligin qamtamasyz etý, memlekettik qyzmetterdi elektrondy pishinge kóshirý jáne halyqqa qyzmet kórsetý ortalyqtaryn jańǵyrtý jóninde atqarylǵan jumys týraly málimdedi. Kezdesýdiń qorytyndysy boıynsha Nursultan Nazarbaev mınıstrlik aldyna birqatar mindet qoıyp, naqty tapsyrmalar berdi.
Keshe «Samuryq-Qazyna» AQ janyndaǵy Qazaqstandyq qamtýdy damytý máseleleri jónindegi qoǵamdyq keńestiń birinshi otyrysy bolyp ótti. Oǵan Samuryq-Qazyna» AQ basqarma tóraǵasy Ómirzaq Shókeev, «Atameken» Odaǵy» QUEP basqarmasy tóraǵasynyń orynbasary Baýyrjan Baımuhanov jáne ulttyq kompanııalardyń, saıası partııalar men bıznes-qaýymdastyqtar ókilderi qatysty», - dep jazady «Egemen Qazaqstan» gazeti senbilik sanyndaǵy «Otandyq ónim órisi» degen taqyryptaǵy maqalasynda. Basylymnyń atap ótýinshe, qazirgi kezde qordyń kásipkerler men qoǵamdyq birlestikterdiń pikirleri eskerile otyryp ázirlengen satyp alý qaǵıdalarynyń jobasy daıyndalypty. Joba otandyq taýar óndirýshiler men qor kompanııalarynyń arasyndaǵy uzaq merzimdi yntymaqtastyqqa, sondaı-aq jańa óndirister qurýdy yntalandyrýǵa erekshe nazar aýdarady. Onda negizinen 5 baǵytqa basymdyq berilgen. Olar: jergilikti qamtý, satyp alýdyń ashyqtyǵy, biryńǵaı baǵa saıasaty, satyp alýdy baqylaý jáne jaýapkershilik.
***
Bıyl Qazaqstannyń Amerıka Qurama Shtattarymen dıplomatııalyq qarym-qatynas ornatqanyna 20 jyl tolyp otyr. Árıne, osy áriptestik baılanystar týraly aıtqan kezde, barlyq saıasatkerler, eń aldymen, eki eldiń ıadrolyq qarýsyzdandyrý salasyndaǵy birlesken jumysyn eske alady. Búginde osy jumys ıadrolyq saladaǵy birlesken bızneske jol ashýda. Sebebi aldaǵy ýaqytta qazaqstandyq ýrandy AQSh-qa tasymaldaý josparlanǵan. Al respýblıka aýmaǵynda ornalasatyn ıAdrolyq otyn bankiniń ónimi tek beıbit maqsatta ǵana paıdalanylady. Keshe Astanada ótken «Qazaqstan - AQSh: qaýipsizdik pen damý áriptestigine - 20 jyl» atty konferentsııada atalǵan máselelerdiń barlyǵy keńinen talqylandy. Osy jaıt arqaý bolǵan maqala «Alash aınasy» gazetiniń búgingi sanynda «Qazaqstan-AQSh: senimdi strategııalyq áriptestikke - 20 jyl» degen taqyryppen berildi.
Búginde baspalar kóp. Áıtse de sol kóp baspanyń 90 paıyzdaıynyń materıaldyq-tehnıkalyq bazasy joq. Tipti basshy bolyp tirkelgen bir tulǵanyń qaltasyndaǵy mórinen basqa ne bir ofısi, ne birde-bir mamany joq. Biraq, bir qyzyǵy, memlekettik tenderge túskende osyndaı baspalardyń barlyq bazasy myqty baspalardyń aldyn orap áketýi ǵajap emes. Alaıda sol tenderge bólingen qarjy durys ornyna jumsalyp otyr ma? Oqyrman tekke zardabyn tartyp, sapaly dúnıeni oqı almaı otyrǵan joq pa? Mine osy máseleler «Alash aınasy» gazetiniń «Oı-kókpar» aıdarynda «Derbes óndiris bazasy joq baspalardyń memlekettik tenderge qatysýyna shekteý qoıý kerek pe?» degen taqyryppen talqyǵa túsken.
***
«Pavlodar qalasyn - Nurkent, al oblysty Nurarqa dep atasaq...». «Aıqyn» gazetinde osy taqyryppen jaryq kórgen maqalada Saıası qýǵyn-súrginge ushyraǵandar qaýymdastyǵynyń tóraǵasy Jumabek Ashýulynyń bastamasymen bir top zııaly qaýym ókilderiniń Májiliske, Prezıdent apparatynyń basshysyna, Premer-Mınıstrge, «Nur Otanǵa», «Qazaqstan halqy assambelıasyna», Pavlodar oblysynyń ákimine hat joldaǵandyǵy jaıynda jazylǵan. Hatta «Biz Respýblıkalyq saıası qýǵyn-súrginge ushyraǵandar qaýymdastyǵynyń atynan Ult Kóshbasshysynyń qurmetine Pavlodar qalasynyń ataýyn Nurkent qalasy, al Saryarqa atyrabynyń kindigi bolǵan Pavlodar oblysyn Nurarqa oblysy dep ózgertýdi usynamyz»,- delingen.
***
«Keshe Qazaqstan Respýblıkasynyń Prezıdenti Nursultan Nazarbaev Iran Islam Respýblıkasynyń vıtse-prızıdenti Mohammad Djavad Mohammadızadeni qabyldady»,- dep jazady «Kazahstanskaıa pravda» gazeti. Qabyldaýda Memleket basshysy qazirgi ýaqytta Qazaqstannyń Iranmen ártúrli salada ózara jaqsy qarym-qatynasy qalyptasqanyn atap ótti. «Biz saýda-ekonomıkalyq áriptestigimizdi odan ári damytqymyz keledi. Tek 1,3 mıllıard dollardy quraıtyn taýar aınalymy bizdiń elderimizdiń áleýetti múmkindikterine sáıkes kelmeıdi. Biz halyqaralyq jáne óńirlik qurylymdar - BUU, ShYU jáne AÓSShK aıasynda belsendi yntymaqtastyq jasap kelemiz. Sonymen qatar, biz Kaspıı teńiziniń mártebesi týraly ýaǵdalastyqqa qol jetkizýge múddelimiz. Osy baǵyttaǵy jumysty jandandyrý mańyzdy», - dedi Nursultan Nazarbaev. Óz kezeginde Iran vıtse-prezıdenti de eki el arasyndaǵy saıası jáne ekonomıkalyq salalardaǵy jaqsy qarym-qatynastarǵa nazar aýdardy.
