Pavlodar qalasy ákiminiń orynbasary aýysty
PAVLODAR. QazAqparat - Buǵan deıin Pavlodar oblysynyń bas sáýletshisi laýazymyn atqaryp kelgen Andreı Balashev Pavlodar ákiminiń kommýnaldyq jáne jer máseleleri jónindegi orynbasary qyzmetine taǵaıyndaldy, dep habarlady Pavlodar ákiminiń baspasóz qyzmetinen.
Balashov 1981 jyly týǵan. 2003 jyly S. Toraıǵyrov atyndaǵy Pavlodar memlekettik ýnıversıtetin aıaqtady. Eńbek jolyn 2004 jyly «Arhproekt-T» JShS-da jobalaýshy bolyp bastady.
Memlekettik qyzmet ótili 10 jyldan astam. 2004-2006 jyldary Pavlodar oblysy sáýlet jáne qala qurylysy departamenti bóliminiń bas mamany, bastyǵy boldy. 2006-2009 jyldary - oblystyń sáýlet, qala qurylysy, qurylys basqarmasy bóliminiń bastyǵy, 2009-2014 jyldary qalanyń bas sáýletshisi boldy. 2014 jyldan osy ýaqytqa deıin sáýlet, qala qurylysy, qurylys basqarmasynyń basshysy qyzmetin atqaryp keldi.
