Pavlodar qalasynyń áleýmettik nysandaryna jylý berile bastady
PAVLODAR. KAZINFORM - Oblys ortalyǵynda jylytý maýsymy bastaldy. Búginnen bastap qaladaǵy áleýmettik nysandar ortalyqtandyrylǵan jylýǵa qosylyp jatyr.
Pavlodar qalasy ákimdiginiń qaýlysyna sáıkes, 14 qyrkúıekten bastap 2026-2027 jylǵy jylytý maýsymy bastaldy.
- 14 qyrkúıekten bastap áleýmettik nysandar men jeke turǵyn úı sektoryn kezeń-kezeńimen jylýmen qamtamasyz etý bastaldy. Budan ári 28 qyrkúıekten bastap kópqabatty turǵyn úıler de kezeń-kezeńimen jylýmen qamtamasyz etiledi, - dep habarlady jylýmen qamtamasyz etetin kompanııadan.
Jylýdy kezeń-kezeńimen qosý tásili júıelerde gıdravlıkalyq baptaýdy júrgizýge, ınfraqurylymdy birtindep jylytýǵa jáne jylýdy iske qosý kezinde jylý jelilerine túsetin júktemeni jeńildetýge múmkindik beredi.
Búginde Pavlodar qalasynda kópqabatty 1226 páter bar.
Buǵan deıin Ertis-Baıan óńiriniń úsh qalasynda 2526 kóppáterli turǵyn úı bar ekenin, onyń 2464-i jylý maýsymyna daıyn ekenin jazǵanbyz.
