Pavlodar qalasynda turǵyn úılerge jylý berile bastady

PAVLODAR. KAZINFORM - Oblys ortalyǵynda 1268 kópqabatty turǵyn úı bar. Jylý turǵyn úılerge kezeń-kezeńimen berilip jatyr.

Pavlodar qalasy ákiminiń qaýlysy negizinde 22 qyrkúıekten bastap oblys ortalyǵyndaǵy kópqabatty turǵyn úılerdi ortalyq jylý júıesine kezeń-kezeńimen qosý bastaldy.

- Eń aldymen, jylý bekitilgen kestege sáıkes jylýdy qabyldaýǵa tolyq daıyn úılerge beriledi. Bul úderis búkil qala boıynsha júıeniń turaqty jumysyn qamtamasyz etý úshin birtindep júrgiziledi, - dep habarlady «Pavlodarenergo» kompanııasynan.

Buǵan deıin Pavlodar qalasynda áleýmettik mekemeler 10 qyrkúıekten bastap ortalyq jylý kózine qosyla bastaǵanyn habarlaǵanbyz. Shaharda 300-ge jýyq áleýmettik mekeme ornalasqan.

Ekibastuz qalasyndaǵy jer úılerge de jylý sol ýaqyttan berile bastaǵan.