Pavlodar qalasy ákiminiń orynbasary taǵaıyndaldy

PAVLODAR. KAZINFORM – Pavlodar qalasy ákiminiń ókimimen Amanov Ánýarbek Dúısembaıuly qala basshysynyń orynbasary bolyp taǵaıyndaldy. Ol buǵan deıin Ekibastuz qalasy ákiminiń orynbasary qyzmetin atqarǵan. Memlekettik qyzmettegi eńbek ótili 12 jyldan asady. 

Ánýarbek Dúısembaıuly 1986 jyly týǵan, eki joǵary bilimi bar. 2008 jyly S.Toraıǵyrov atyndaǵy Pavlodar memlekettik ýnıversıtetin «avtomobıl jáne traktor jasaý», 2020 jyly Qaztutynýodaǵy Qaraǵandy ekonomıkalyq ýnıversıtetin «quqyqtaný» mamandyqtary boıynsha támámdaǵan.

Eńbek jolyn 2009 jyly Pavlodar qalasy turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde bas maman bolyp bastady.

2009 - 2023 jyldar arasynda Pavlodar qalasy turǵyn úı ınspektsııasy bóliminde qatardaǵy mamannan bastap, bólim basshysynyń orynbasary, bólim basshysy laýazymyna deıin qyzmet atqardy.

2023 jyldyń aqpan aıynan bastap osy kúnge deıin Ekibastuz qalasy ákiminiń orynbasary bolyp qyzmet etti.