Pavlodar qalalyq sotynda «Otbasy soty» bólmesi ashyldy
PAVLODAR. QazAqparat - Pavlodar qalalyq sotynda «Otbasylyq sot» bólmesi ashyldy, dep habarlaıdy QazAqparat.
Oblystyq sottyń tóraǵasy Muhtar Smaǵulovtyń aıtýynsha, «Otbasy soty» pılottyq jobasynyń maqsaty - otbasyn saqtaýǵa yqpal etetin otbasylyq qundylyqtar men ulttyq dástúrlerdi nasıhattaý, otbasylyq qarym-qatynasty jaqsartý jáne otbasylyq qarym-qatynastaǵy janjaldardyń deńgeıin azaıtý. Sondaı-aq, otbasylyq daýlardy sotqa deıin jáne sot satysynda tatýlastyrýdy kózdeıdi.
«Zańdar ýaqyt pen jaǵdaıǵa qaraı ózgerip otyrsa da, otbasylyq qundylyqtar turaqty bolýy kerek. Otbasynda bolatyn barlyq nárse - kez kelgen jaman árekettiń tamyry. Sondyqtan, bılik tarmaǵynyń biri retinde, biz otbasyn saqtaýda azamattarǵa kómektesý úshin bar kúsh-jigerimizdidi jumsaýymyz kerek», - deıdi M. Smaǵulov.
Aıta keteıik, osy kúni Pavlodar oblystyq soty, Bilim basqarmasy, Jergilikti polıtsııa qyzmeti, Turǵylyqty jeri joq, balaly áıelderdi áleýmettik-psıhologııalyq ońaltý jáne beıimdeý qalalyq ortalyǵy, AHAMT bólimi, «ANA ÚIІ» qoǵamdyq qory jáne psıhologtar arasynda yntymaqtastyq týraly memorandýmǵa qol qoıyldy.
Bul jerde kámeletke tolmaǵandarmen jáne otbasylarmen, ajyrasý jáne múlikti bólý, kámeletke tolmaǵandarǵa alıment tóleý isteri boıynsha tatýlastyrý rásimderi júrgiziledi. Bólme medıatsııanyń basymdyqtary jáne qajetti aqparattyq materıaldarmen, uıymdastyrý tehnıkasymen jáne jaıly jıhazben jabdyqtalǵan. Sonymen qatar, taraptar psıhologtan jáne basqa mamandardan keńes ala alady.
