Pavlodar qalalyq sotyna moraldyq shyǵyndy óteý boıynsha tergeý organdaryna shaǵym tústi
PAVLODAR. 18 sáýir. QazAqparat - Oblys ortalyǵynyń turǵyny ishki ister departamentinen moraldyq shyǵyndy ótep berýdi talap etýde, dep habarlady Pavlodar qalalyq sotynyń baspasóz qyzmetinen.
2007 jyldyń maýsymynda onyń jubaıy óndiriste alǵan aýyr jaraqattan kóz jumdy. Qaıǵyly oqıǵaǵa júrgizilgen arnaıy tergeý jumys berýshiniń kinásin tolyǵymen kórsetip berdi. Kásiporyn jetekshisine qatysty qylmystyq is qozǵaldy, biraq oǵan aıyp adam qaza tapqannan 2,5 jyl ótkennen keıin ǵana taǵaıyndaldy.
Sottyń qaýlysy boıynsha kásiporyn dırektory istiń eskirý merzimine baılanysty qylmystyq jaýapkershilikten bosatyldy.
Áıel ózine keltirilgen úlken moraldyq shyǵyndy negizge ala otyryp, aryzynda jubaıynyń qaza tabýyna kinálilerdiń jaýapsyzdyǵyn, ishki ister organdary qyzmetkerleriniń jibergen bylyqtaryn, prokýratýra men tergeýshilerdiń tabaldyryqtaryn tozdyrǵanyn jazyp, munyń bári onyń densaýlyǵynyń kúrt nasharlaýyna ákelip soqtyrǵanyn kórsetti.
Ol sottan Pavlodar oblysynyń ІІD-nen 2,5 mln. teńge kóleminde moraldyq shyǵyndy óteýdi surap otyr. Qazirgi ýaqytta is sot qaraýyna daıarlyq ústinde.
