Pavlodar halqy 522 saılaý ýchaskesinde daýys berip jatyr
PAVLODAR. KAZINFORM - Quryltaı saılaýyn ótkizý úshin búgin saǵat 7.00-de Ertis-Baıan óńirindegi barlyq 522 saılaý ýchaskesiniń esikteri aıqara ashyldy. Aımaqta 500 myńnan astam saılaýshy bar.
Pavlodar oblystyq aýmaqtyq saılaý komıssııasynyń tóraǵasy Gúlnár Amanjolovanyń aıtýynsha, jalpy óńir boıynsha 536 saılaý komıssııasy qurylǵan. Onyń 14-i aýmaqtyq bolyp sanalady.
- Qatarymyzda 3,4 myńnan astam komıssııa múshesi bar. Barlyǵynyń daıyndyqtary tyńǵylyqty, kelýshilerdi qabyldap, daýys berý rásimin bastap ketti. 21 saılaý ýchaskesi azamattardyń ýaqytsha bolýy oryndarynda quryldy. ıAǵnı olarǵa bas bostandyǵynan aıyrý oryndary, ýaqytsha ustaý ızolıatorlary, aýrýhanalar men sanatorııler jatady. Oblys boıynsha saılaýshylar sany - 500 myńnan astam, - dep habarlady Gúlnár Amanjolova.
Saılaýdy baıqaýǵa akkredıttelgen uıymdar ǵana qatysa alatyny málim. Búgingi saılaýda Ortalyq saılaý komıssııasynda akkredıttelgen 13 uıym, oblystyq aýmaqtyq saılaý komıssııasyna tirkelgen 9 uıymnyń baıqaýshylary jumys istep jatyr. Oǵan qosa saılaýǵa qatysyp jatqan partııalar baıqaýshylaryn jibergen.
Búgin qoǵamdyq kólikter jolaýshylardy tegin tasymaldaıdy ári ınvataksı qyzmet kórsetedi. Densaýlyq jaǵdaıyna baılanysty ýchaskege kele almaıtyn azamattar saılaý ýchaskelerine habarlasyp, daýysty úıden berýge nıetti ekenin bildirýi kerek. Sol ótinish negizinde komıssııa músheleri turǵynnyń úıine barady.
Eske sala keteıik, Túrkııadaǵy Qazaqstannyń dıplomatııalyq ókildikterinde saılaý ýchaskeleri quryldy.
