«Pavlodar» ekonomıkalyq aımaǵynyń ınfraqurylymyn jetildirýge 19 mlrd teńge qajet
PAVLODAR. KAZINFORM — Bul qarajat avtojol men temir joldar salýǵa, elektrmen jabdyqtaý qýatyn arttyrýǵa jumsalady. Jalpy munda tartylǵan ınvestıtsııalar kólemi 184,6 mlrd teńgeden asqan.
«Pavlodar» arnaıy ekonomıkalyq aımaǵy qurylǵan sátten bastap mundaǵy kásioryndar 407,2 mlrd teńgeden astam somaǵa ónim shyǵaryp, 1705 turaqty jumys orny qurylǵan. Al
tartylǵan ınvestıtsııalardyń jalpy kólemi 184,6 mlrd teńgeden asqan.
— Ekonomıkalyq aımaqtyń negizgi mindetteriniń biri — otandyq jáne sheteldik ınvestorlar úshin qolaıly jáne ınvestıtsııalyq-tartymdy klımatty qalyptastyrý. Bul baǵytta qajetti ınjenerlik ınfraqurylymdy damytý boıynsha júıeli jumystar júrgizilip jatyr. Búgingi tańda onyń daıyndyǵy 65,8%-dy quraıdy. Infraqurylymmen tolyq qamtamasyz etý úshin jalpy quny shamamen 19 mlrd teńgeni quraıtyn úsh iri jobany iske asyrý qajet. Atap aıtqanda 4,7 km avtojol, uzyndyǵy 2,7 km temir jol tarmaǵynyń ekinshi kezegin salý jáne elektrmen jabdyqtaý qýatyn 40 MVt-qa ulǵaıtý. Bul jobalardy iske asyrý AEA óndiristik áleýetiniń odan ári ósýin jáne jańa rezıdentter úshin aımaqtyń tartymdylyǵyn qamtamasyz etýge múmkindik beredi, — dep habarlady oblys ákiminiń baspasóz qyzmetinen.
Qazirgi ýaqytta respýblıkalyq bıýdjet qarajaty esebinen ınfraqurylymdyq jobalardy qarjylandyrý rásimderin jyldamdatý kózdelip otyr. Sondaı-aq jergilikti bıýdjet tarapynan qosymsha qarjylandyrý qarastyrylýy múmkin.
Buǵan deıin otandyq kólik salasynda aýqymdy tsıfrlandyrý júrip jatqany týraly jazǵanbyz.