Pavlodar - Ekibastuz tas jolynda «Aýdı» men KamAZ soǵyldy
PAVLODAR. QazAqparat - «Qyzylorda - Pavlodar» tas jolynyń «Pavlodar - Ekibastuz» bóliginde jeńil mashına men júk kóligi soǵyldy. Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz .
«Saǵat 13:00 shamasynda 50 jastaǵy er azamat tizgindegen «Aýdı» kóligi men 40 jastaǵy júrgizýshi basqarǵan KamAZ júk kóligi jol boıynda soqtyǵysty. Saldarynan, jeńil avtokóliktiń júrgizýshisi túrli dene jaraqattarymen aýrýhanaǵa jetkizildi. Osy jaǵdaıǵa qatysty QR QK 345 babyna sáıkes sotqa deıingi tekserý amaldary bastaldy», - deıdi mamandar. Kináli dep tanylǵan azamat 300 AEK kóleminde aıyppul tóleýi nemese 240 saǵat qoǵamdyq jumysqa tartylýy múmkin. Sonymen qatar, 75 kún qamaýǵa alynýy yqtımal. Іshki ister departamenti júrgizýshilerdi jolda abaı bolýǵa shaqyrady.
