Pavlodar dúkenindegi arandatýshylyq: sot kináli áıelge aıyppul saldy

PAVLODAR. KAZINFORM - Pavlodar soty dúkenge «Tek qana oryssha qyzmet kórsetemiz» degen jazýlardy jabystyryp, ony áleýmettik jelige júktegen áıeldiń isin qarady. Sot sheshimimen aıyptalýshy 55 048 teńge aıyppul tóleıtin boldy. 

Qalalyq ákimshilik quqyq buzýshylyqtar jónindegi mamandandyrylǵan sotta usaq buzaqylyq deregi boıynsha is qaraldy.

Belgili bolǵandaı, bıylǵy 16 qańtar kúni áıel Lermontov kóshesindegi dúkenniń kireberis esigi men vıtrınasyna «Tek qana orys tilinde qyzmet kórsetemiz» degen mazmundaǵy habarlandyrý jabystyrǵan. Osylaısha ol qoǵamdyq tártipti jáne jeke tulǵalardyń tynyshtyǵyn buzatyn, basqalarǵa qurmetsizdik tanytatyn áreketter jasaǵan.

Turǵynnyń kinási onyń aıtqan sózderimen, kýágerlerdiń aıǵaqtarymen, beınejazbamen, sondaı-aq istiń basqa materıaldarymen dáleldendi. Bul rette áıel óz kinásin tolyq moıyndady jáne ókinish bildirdi. 

– Sot QR Ákimshilik quqyq buzýshylyq týraly kodekstiń 434-baby 1-bóligi boıynsha áıel adamdy kináli dep tanydy. Oǵan 55 048 teńge somasynda aıyppul taǵaıyndaldy, - dep habarlady qalalyq sottan. 

Sot sheshimi zańdy kúshine engen joq.

Eske sala keteıik, buǵan deıin áldebireýler Lermontov kóshesinde ornalasqan dúkenniń esigine jáne sóresine orys tilinde «Tek qana oryssha qyzmet kórsetemiz!» («Obslýjıvaem tolko na rýsskom!») dep jazylǵan qaǵazdy japsyryp, ony telefon kamerasyna túsirip, keıin áleýmettik jelige júktegeni týraly jazǵanbyz. 

«Qazaq tili» qoǵamy Pavlodar oblystyq fılıalynyń tóraǵasy, oblystyq máslıhat depýtaty Asylbek Týǵanbaı kópshiliktiń arandatýshylyqqa erip ketpeýin surady. 

Polıtsııa áıeldi jaýapqa tartyp, isin sotqa joldady.