Pavlodar bıligi qalanyń bas josparyna sáıkes kelmeıtin baspana qurylysyna ruqsat bergen

PAVLODAR. KAZINFORM - Pavlodar qalasynyń bıligi ótken jyly 9 qabatty turǵyn úılerdi salýǵa múmkindik beretin jospar jobasyn bekitken. Prokýrorlar atalǵan joba qalanyń Bas josparyna sáıkes emes ekenin anyqtady. Bul týraly QR Bas prokýratýrasynan habarlady. 

«2023 jylǵy 30 qarashada Pavlodar qalasy ákimdigi aýdany 364 gektar 9 qabatty kóppáterli turǵyn úıler salý múmkindigi týraly egjeı-tegjeıli josparlaý jobasyn bekitken. Atalǵan qala qurylysy qujaty Bas jospardyń talaptaryna qaıshy keledi, onda mundaı nysandardy 4-5 qabattan aspaıtyndaı etip salýǵa ruqsat etilgen», - dep málimdedi qadaǵalaýshy organnan.

Prokýrordyń talap aryzy boıynsha jergilikti atqarýshy organnyń aktisi sot tártibimen zańsyz dep tanylyp, kúshi joıyldy.

Sondaı-aq, prokýratýranyń habarlaýynsha, budan buryn qadaǵalaý aktisi boıynsha memlekettik qyzmetke kir keltiretin teris qylyq jasaǵany úshin Pavlodar qalasynyń bas sáýletshisi qyzmetinen bosatylǵan.

Eske sala keteıik, prokýrorlar Pavlodarda qonys aýdarýǵa bólingen qarajattyń jymqyrylǵanyn anyqtady.

Buǵan qosa Pavlodar prokýrorlary aýyzsý tarıfin zańsyz kótergen kásiporyndy jazalady.