Pavlodar bazarlarynda nıtraty kóp pııazdar satylyp kelgen
PAVLODAR. QazAqparat - Pavlodar qalasynyń bazarlarynda kókónisterdiń quramyndaǵy nıtratty anyqtaý maqsatynda ekspress-zertteý júrgizildi. Bul týraly búgin óńir ákimdiginde ótken jıynda oblystyq máslıhattyń hatshysy Baqyt Bekseıitova málim etti, dep habarlaıdy QazAqparat pavlodarnews.kz saıtyna silteme jasap.
«Qaýipsiz tamaqtaný boıynsha satyp alýshylardyń arasynda saýalnama uıymdastyryldy. Oǵan qoǵam densaýlyǵyn qorǵaý departamentiniń ókilderi men depýtattar qatysty. Zertteý nátıjesinde pııazdyń quramynda nıtrattyń shamadan tys artqany anyqtaldy. Bazarlardyń basshylaryna bul kemshilikti joıý jáne quramynda nıtraty bar taýarlardy ótkizbeý boıynsha nusqama berildi», - deıdi Baqyt Bekseıitova.
Sonymen qatar, depýtattardyń bastamasy boıynsha departamenttiń mamandarymen birge oblys ortalyǵyndaǵy dúkenderdegi balalar oıynshyqtarynyń qaýipsizdigine monıtorıng uıymdastyrylǵan. Zertteý nátıjesinde Eýrazııa ekonomıkalyq odaǵynyń tehnıkalyq reglamentiniń saqtalmaý faktileri anyqtalǵan. Qaýipti ónimder saýdadan alyndy. Dúkenderdiń basshylaryna sanıtarlyq-epıdemıologııalyq qaýipsizdik salasyndaǵy olqylyqtardy joıý tapsyryldy.
