Pavlodar balabaqshasynda tárbıeshiniń kómekshisi 3 jasar qyzdy uryp-soqqan

NUR-SULTAN. QazAqparat - Pavlodar balabaqshasynda tárbıeshiniń kómekshisi 3 jasar qyzdy uryp-soqqan, dep habarlaıdy Polisia.kz saıty.

9 tamyzda polıtsııaǵa Pavlodar qalasynyń turǵyny Aımanov kóshesi boıyndaǵy Pavlodar qalasynyń № 4 balabaqshasynda 3 jasar qyzyn tárbıeshiniń kómekshisi uryp-soqanyn aıtyp, shaǵym túsirgen.

– Atalǵan fakti tirkeldi. Polıtseıler oqıǵanyń mán-jaıyn anyqtap, beınebaqylaý kameralarynan alynǵan beınematerıaldardy zertteýde. Sot-medıtsınalyq saraptama taǵaıyndaldy, onyń nátıjesi boıynsha protsessýaldyq sheshim qabyldanady, – dep habarlady Pavlodar oblysy PD baspasóz qyzmeti.

Foto: polisia.kz