Pavlodar balabaqshalarynda vaýcherlik júıe engizile bastady

PAVLODAR. KAZINFORM - Qazir oblys ortalyǵynda 83 balabaqsha bar. Onyń 73-i – memlekettik mekeme.

8 mamyrdan bastap Pavlodar qalasynyń balabaqshalary kezeń-kezeńimen vaýcherlik júıege kóshe bastaıdy. Vaýcherlik júıe – ata-analarǵa memleketten bólinetin qarjylaı qoldaýdy tikeleı taǵaıyndap, ony ózderi qalaǵan balabaqshada paıdalanýǵa múmkindik beretin tetik. ıAǵnı, memleket balanyń bir jyldyq tárbıesine belgili bir soma bóledi, al ata-ana osy somany óz qalaýyndaǵy balabaqshaǵa «vaýcher» retinde baǵyttaıdy. Bul júıe balabaqsha arasyndaǵy básekelestikti arttyryp, qyzmet sapasyn jaqsartady.

- Ata-analar aı saıyn «jeke kabınetterinde» balanyń balabaqshaǵa qatysýyn rastap, elektrondyq tabelderdi bekitip otyrýǵa mindetti. Bul – vaýcherlik qarjylandyrýdyń osy júıedegi esep berýdiń negizgi bóligi, - deıdi qalalyq bilim berý bólimi mektepke deıingi bilim berý sektorynyń bas mamany Dybys Anderova.

Vaýcher tek bilim berý qyzmetterin qarjylandyrýǵa arnalǵan, tamaqtaný shyǵyndaryn ata-analar ózderi tóleıdi. Buryn mektepke deıingi mekemelerde INDIGO júıesi qoldanylǵan. Endi munyń jumysy kezek týraly derekterdi túrlendirý jáne vaýcherlik júıege kóshý maqsatynda tolyq toqtatylady. ıAǵnı kezek qaıta qurylady. Kezektiń túrleri men sanattary ózgeredi.

Qazir 83 mektepke deıingi bilim berý mekemesi jańa jumys úlgisine kóship jatyr.

Eske sala keteıik, alty jylda elimizdiń balabaqshalaryna kezek 5 ese azaıǵan.