Pavlodar avtobýstarynda jolaqy tóleýdiń elektrondy ádisi engiziledi
Mundaı tarıf Astana, Almaty qalalarynda birneshe jyldan beri jumys istep keledi.
Sondaı-aq bıylǵy tamyz aıynda ShQO jáne BQO oblys ortalyqtarynda engizildi.
Oral qalasynda qolma-qol aqshamen tólem - 150 teńge, qolma-qol aqshasyz - 80 teńge. Óskemende tıisinshe 130 jáne 90 teńge.
Pavlodarda qolma-qol esep aıyrysý úshin jol júrý quny - 130 teńge, bul rette elektrondy bıletti paıdalaný kezinde tólem ózgerissiz qalady - 80 teńge.
Bekitilgen biryńǵaı tarıf boıynsha zeınetkerlerdiń jol aqysy - 40 teńge, qolma-qol aqshamen tóleý kezinde - 65 teńge.
Qolma-qol aqshasyz birneshe tásilmen tóleýge bolady: arnaıy kólik kartasymen, uıaly telefonnan «Avtobys» qosymshasy arqyly, sondaı-aq Kaspi QR kómegimen.
Qoǵamdyq kólikte tolyq jeńildikpen jol júrýge quqyǵy bar azamattardyń 15 sanaty kólik kartasyn paıdalanǵan kezde nemese qolynda jeńildikti rastaıtyn qujaty bolǵan kezde de júre alady.
«Sonymen qatar, qoǵamdyq kólikte tegin júrýge quqyǵy bar azamattardy kólik kartasyn paıdalanýǵa shaqyramyz. Bul tasymaldaýshylarǵa kásiporynnyń qajettiligine (júrgizýshi quramynyń jalaqysy, shyǵyn materıaldary men qosalqy bólshekter, jyljymaly quramdy jańartý jáne basqa) ketetin baǵyttar men bıýdjetten tólenetin saparlardyń sanyn tirkeýge múmkindik beredi» dep málim etti ákimdikten.
Azamattardyń jeńildetilgen sanattary áleýmettik kólik kartasyn Akademık Shókın, 31 mekenjaıynda tegin ala alady.
Jol júrý úshin elektrondy tólem júıesinde aqaý bolǵan jaǵdaıda elektrondy júıe arqyly tóleýdi júzege asyratyn jolaýshylardyń tegin jol júrýge quqyǵy bar.
