Pavlodar aýylynda jańa sport kesheni ashyldy
PAVLODAR. QazAqparat - Tuńǵysh Prezıdent kúni qarsańynda tanystyrylǵan jańa sport nysany «Barys» dep atalady, dep habarlaıdy QazAqparat pavlodarnews.kz portalyna silteme jasap.
Buryn 6 myńǵa jýyq adam turatyn Pavlodar aýylynyń halqy mektep bólmelerinde jáne «Nurtas» balalar-jastar klýbynda sportpen shuǵyldanatyn. Alaıda, aýyldyń damýyna jáne halyqtyń kóptep kelýine baılanysty bul alańdar jetkiliksiz boldy.
Respýblıkalyq bıýdjetten jańa dene shynyqtyrý-saýyqtyrý kesheniniń qurylysyna 160 mıllıon teńge bólindi. DSK bes aı buryn salyndy.
- Bul keshen Pavlodar aýyly úshin azdyq etedi, bolashaqta biz úlken sport ǵımarattaryn salamyz, - dep atap ótti Pavlodar oblysynyń ákimi Bolat Baqaýov. - Jaqyn arada aýyl turǵyndary «Sport Sıtı» sport kesheninde sportpen shuǵyldana alady. Pavlodarskoe aýylynyń turǵyndaryna sporttyq qalashyqqa jetý oblys ortalyǵynyń keıbir shaǵyn aýdandarynyń turǵyndaryna qaraǵanda ońaı bolady.
Jańa sport nysanynda voleıboldan áýesqoı komandalar arasynda Pavlodar, Moıyldy, Kenjekól jáne Lenın aýyldarynan kelgen komandalar arasynda jarys ótti. Bolashaqta munda sporttyń oıyn túrlerin damytý josparlanýda.
- Bul jerde fýtbol, basketbol, voleıbol jáne ústel tennısi týraly aıtylyp otyr, - deıdi «Barys» dene shynyqtyrý-saýyqtyrý kesheniniń dırektory Erbolat Kankın. - Sonymen qatar, biz aýyl turǵyndaryn úlken tennıske jattyqtyrǵymyz keledi. Munda qart adamdar da sportpen aınalysa alady.
Keshen aýmaǵynda kóshe jaryǵy, 16 vorkaýt-trenajer ornatyldy. Ǵımarat ishinde medıtsına qyzmetkeri, basshy jáne jattyqtyrýshy kabınetteri tolyq jabdyqtalǵan.
