Pavlodar áýejaıyna Seýlden bortynda 156 qazaqstandyq bar ushaq qondy
Pavlodar oblysy taýarlar men qyzmetterdiń sapasy men qaýipsizdigin baqylaý departamentiniń málimdeýinshe, 156 adamdy tasymaldaý úshin 7 avtobýs uıymdastyrylyp, polıtsııanyń súıemeldeýimen mejeli orynǵa jetkizildi. - Tokıodan ushar aldynda azamattar termometrııadan ótti, kelgen kezde arnaıy kostıým kıgen epıdemıologtar, medıtsınalyq qyzmetkerler men barlyq qajetti qyzmet mamandary qarsy aldy. Іs-áreket algorıtmine sáıkes, shetelden kelgender arasynda saýalnama jáne termometrııa júrgizildi, olarǵa qorǵanysh betperdeleri berildi. Júk pen áýe kemesi arnaıy dezınfektsııalyq óńdeýden ótti, - deıdi departamentte. Barlyǵynan COVID-19-ǵa taldaý alyndy, nátıjesi shyqqanǵa deıin jolaýshylar karantındi gospıtalde bolady. Koronavırýsty ınfektsııa belgileri anyqtalǵan jaǵdaıda naýqastar ınfektsıondy gospıtalǵa jiberiledi.