Pavlodar áýejaıyndaǵy qurylys jumystary shilde aıynyń ortasynda aıaqtalady
PAVLODAR. KAZINFORM — Qazirgi ýaqytta áýejaıdyń ushý-qoný jolaǵyn rekonstrýktsııalaý jumystarynyń 60%-dan astamy oryndalǵan. Qurylys alańynda 112 maman men 43 birlik tehnıka jumyldyrylǵan.
Pavlodar qalasyndaǵy áýejaıdy jańartý jumystary bel ortadan asty. Qazirgi ýaqytta ushý-qoný jolaǵy men burylý alańynda deformatsııalyq jikterdi ornatý jáne asfalt-beton jabynyn tóseý jumystary júrgizilip jatyr.
— Nysandaǵy jumystardyń 60%-dan astamy oryndaldy. Áýe reısteriniń ýaqytsha toqtatylýyna baılanysty turǵyndarǵa qolaısyz bolyp otyrǵanyn túsinemiz. Deıturǵanmen bul joba — qaýipsizdikke, zamanaýı ınfraqurylymǵa jáne óńirdiń bolashaǵyna salynǵan ınvestıtsııa. Áýejaıdaǵy jumystar belgilengen merzimde ári sapaly aıaqtalýy tıis. Qurylys jumystaryn shilde aıynyń sońyna deıin aıaqtaý josparlanyp otyr, — dep habarlady Pavlodar oblysy ákimdiginen.
Óńir basshylyǵy jumys kestesiniń saqtalýyn baqylaýdy kúsheıtýdi jáne áýeaılaqty sertıfıkattaýdyń barlyq kezeńinen sapaly ótýdi qamtamasyz etýdi nazarda ustap otyrmyz dep sendirdi.
Іske qosý-baptaý jumystary men sertıfıkattaý rásimderi júrgizilgennen keıin áýejaıdy paıdalanýǵa berý josparlanǵan.
Buǵan deıin Pavlodarda jańartylyp jatqan áýejaı qashan ashylatynyn jazǵan bolatynbyz.
