Pavlodar áýejaıy jeke menshikke ótpek

ASTANA. KAZINFORM – 2024 jyldyń jeltoqsan aıynda Pavlodar áýejaıy aýktsıonǵa shyǵarylady. Ol 2020 jyldan beri jeke menshikke berý tiziminde boldy, biraq jarym-jartylaı túrde, aktsııalardyń baqylaý paketi memlekette qalýy tıis, dep habarlaıdy Kazinform menshikti tilshisi.

Áýejaı Pavlodar oblysynyń ákimdigine 2019 jyly «Samuryq-Qazyna» ulttyq ál-aýqat qory syıǵa tartqan. Sol kezde sheneýnikter áýe aılaǵyn damytýdy, jańa reısterdi ashýdy, sonyń ishinde Pavlodardy Qazaqstannyń batys oblystarymen baılanystyrýdy josparlady, alaıda koronavırýs pandemııasy bastaldy. 

— Úkimet qaýlysyna sáıkes, áýejaıdyń baqylanbaıtyn úlesiniń 49 paıyzy jekeshelendirý josparyna engizilgen. Osyǵan baılanysty biz bul paketti baǵalap, keıinnen satyp alý quqyǵymen tender negizinde úsh jylǵa senimdi basqarýǵa shyǵardyq. Bul rette áleýetti senimger basqarýshy óz mindettemelerin qabyldaýy – áýejaı ınfraqurylymyna keminde 16,4 mlrd teńge salý kerek. Osydan keıin ǵana ol osy aktsııa paketin ıelený quqyǵyna ıe bolady, - deıdi Pavlodar oblysy qarjy basqarmasynyń basshysy Jeńis Shaqatov.

Bul rette qarjy basqarmasy áýejaıdy jeke menshikke berýge áli erte ekenin málimdedi. Olar ony bekitilgen jospar boıynsha aýktsıonǵa shyǵardy, biraq is júzinde oǵan qazir ýaqyt joq.

Buǵan deıin habarlanǵandaı, Pavlodar oblysynda qystaqtarǵa bir mıllıonnan asa mal kirdi.