Pavlodar aýdanynda erigen qar sýy kóp balaly otbasynyń úıin basyp qaldy
PAVLODAR. QazAqparat - Pavlodar aýdanynda erigen qar sýy kóp balaly otbasynyń úıin basyp qaldy. Bul týraly QazAqparat @Pavlodarnews.kz.saıtyna silteme jasap habarlaıdy.
Pavlodar oblystyq tótenshe jaǵdaı departamentiniń baspasóz qyzmetiniń málimdeýinshe, úıdi sý basý oqıǵasy búgin, ıaǵnı 31 naýryz kúni saǵat 17:47-de bolǵan.
- Pavlodar aýdanynyń Rojdestvenka aýylynda TJD jáne jergilikti atqarýshy organdardyń kúshimen erigen qar sýyn sorý jumystary júrgizilýde. Oqıǵa ornyna TJ departamentinen 4 qyzmetker men 1 tehnıka jáne 2 motopompa, jergilikti atqarýshy organdardan 1 qyzmetker jáne 1 motopompa jumyldyryldy, - delingen habarlamada.
Al Rojdestvenka aýyldyq okrýginiń ákimi Rashıd Galeevtiń aıtýynsha, erigen qar sýy aýyl ishin lezde basyp qalǵan. Jalpy, munda bıyl sý jarty metrge deıin kóterilgen.
- Sý basqan úı aýyldaǵy Abaı kóshesinde ornalasqan. Bul ózge kóshelerdiń deńgeıinen tómen. Erigen qar sý osy kóshege úlken aǵynmen bardy. Sý tasqynynan kóp balaly otbasy turatyn Abaı kóshesindegi 67 úı zardap shekti. Qazir bul otbasy Rozovka aýylyndaǵy ájesiniń úıine ýaqytsha qonystandy, - dedi aýyl ákimi.
