Pavlodar aýdanynda 9 bas jylqy órtenip ketti
NUR-SULTAN. QazAqparat - Tilsiz jaý Pavlodar aýdanynyń Olgınko aýylynda tirkelgen, dep habarlaıdy pavlodarnews.kz.
Bul týraly oblystyq TJD-niń baspasóz qyzmeti málim etti.
- Keshe, 8 qazan kúni saǵat 16.42-de kezekshilik bólimine № 3 órt sóndirý bóliminen 70 shaqyrym qashyqtyqta ornalasqan sharýa qojalyǵynyń aımaǵynda órt shyqqany týraly habarlama tústi. Shlaktan quıylǵan bazanyń aǵash qurylymdary men tóbesi janǵan. Sondaı-aq, jalyn 180 sharshy metr aýmaqta 4 tonna shópti sharpyp ótken.
Órt saldarynan bazanyń tóbesi qulap, 9 bas jylqy ottyń astynda qalǵan. Oqys jaǵdaıdyń oryn alýyna turǵyndardyń otty abaısyz qoldanýy sebep bolǵan.
Qazirgi tańda keltirilgen shyǵyn kólemi anyqtalýda. Oqıǵa ornyna № 3 órt sóndirý bóliminen úsh adam men bir avtotsısterna, órt sóndirý zerthanasy shyqty.
Sonymen qatar, jeke quramnan 16 adam men úsh tehnıka, erikti órt sóndirý qurylymdarynan 10 adam men MTZ-80 jumyldyryldy.
Órt saǵat 19.50-de aýyzdyqtalyp, 20.15-te tolyǵymen sóndirildi.
