Pavlodar aýdanynda 39 jastaǵy er adam jasandy sý aıdynynda batyp ketti
PAVLODAR. QazAqparat - Pavlodar aýdanynyń Lýgansk aýylynda 39 jastaǵy er adam jasandy sý aıdynyna batyp ketti, dep habarlaıdy pavlodarnews.kz.
«Saǵat 19.10-da jergilikti turǵyndar er adamnyń denesin jaǵaǵa alyp shyqqan. Ol shomylýǵa tyıym salynǵan orynda sýǵa túsken. Oqys jaǵdaıda qaza bolǵan azamattyń ishimdik ishkeni anyqtaldy», - dedi oblystyq TJD-niń baspasóz qyzmetinde.
Óńir qutqarýshylary turǵyndardan arnaıy shomylýǵa jabdyqtalmaǵan oryndarda sýǵa túspeýge jáne balalardy qaraýsyz qaldyrmaýǵa keńes beredi.
Aıta keterligi, 1 maýsymnan bastap búgingi kúnge deıin oblys boıynsha 14 adam sýda ajal qushqan. Onyń jeteýi - bala.
