Pavlodar aýdany: Polıtseıdi uryp, pyshaqtap kete jazdady
ASTANA. QazAqparat - Pavlodar aýdandyq sotynda ýchaskelik ınspektordy uryp, pyshaqtap kete jazdaǵan basbuzarǵa qatysty qylmystyq is qaraldy, dep habarlaıdy QazAqparat.
Іs materıaldaryna sáıkes, Pavlodar aýdanyndaǵy aýyldardyń birinde túngi ýaqytta kórshilerge tynyshtyq bermeı, mas kúıinde ses kórsetken er azamattyń ústinen shaǵym túsken. Sol jerge dereý jetken ýchaskelik ınspektor otaǵasymen sóılesip, ony polıtsııa beketine alyp barmaqshy bolǵan.
«Ch. esimdi azamat kóliktiń aldynǵy oryndyǵyna otyrdy. Jolda kele jatqanda polıtsııa qyzmetkeriniń talabyna baǵynbaı, balaǵat sózder aıta bastady. Osydan keıin ýchaskelik ınspektordy judyryqpen bir urdy. Onymen qoımaı, qaltasynan asúı pyshaǵyn alyp shyǵyp, suǵyp alǵysy keldi. Óltiremin dep qorqytty. Sodan ekeýi dalaǵa shyǵyp, kúresip ketti. Ch. ınspektordyń qyzmettik formasyn jyrtyp tastady. Al polıtsııa qyzmetkeri sambo tásilderin qoldanyp, kómek kelgenshe basbuzardy jerge tyrp etkizbeı, jatqyzyp ustady», - delingen sottyń resmı habarlamasynda.
Sot qaýlysyna sáıkes, Ch. esimdi azamat Qylmystyq kodekstiń 380-baby, 2-bóligi boıynsha kináli dep tanylyp, 5 jyl 6 aıǵa bas bostandyǵynan aıyrý jazasyna kesildi. Budan bólek, ol túzeý mekemesinde maskúnemdikten emdeletin boldy.
