Pavlodar aýdany ákiminiń orynbasary A.Bahralınov ustaldy - Pavlodar
PAVLODAR. QazAqparat - Pavlodar aýdany ákiminiń orynbasary A.Bahralınov ustaldy. Bul týraly advokat Svetlana Kovlıagına málim etti.
Onyń sózine qaraǵanda, Bahralınovke jalǵan terrorızmge qatys bar degen kúdik keltirilýde.
Osydan eki jyl buryn QR Bas prokýratýrasyna Pavlodar oblysy prokýratýrasynyń ǵımaratynda jarylys jasalatyndyǵy týraly anonımdi hat kelip túsken.
Oblys kúsh qurylymdarynyń jedel qyzmeti ǵımaratty túgel tekserip, esh nárse tappady.
Keıinnen anonımdi hattyń avtory anyqtaldy. Ol Ýspensk aýdanynyń turǵyny A. Nurbaev bolyp shyqty. Pavlodar qalasy № 2 sotynyń 18.03.14 j.úkimimen A. Nurbaev aıypty dep tanylyp, QR QK 142 babymen 1 jylǵa bas bostandyǵynan aıyryldy. Jazasyn ótep bolǵan soń bul azamat anonımge tapsyrys berýshi Asqar Bahralınov ekendigin málim etti.
S.Kovlıagınanyń aıtýynsha, ol búgin Nurbaev pen Bahralınovty ózara bettestirýde bolǵan. Onda jalǵan terrorıst A. Bahralınovtyń anonımdi hatqa tapsyrys bergendigin, bul úshin 15 myń dollar tólegendigin aıtqan.
