Pavlodar-Astana jolyndaǵy kólik apaty: zardap shekken er bala sanavıatsııamen Pavlodarǵa jetkizildi

PAVLODAR. KAZINFORM — Dárigerler balany jansaqtaý bólimshesinen travmatologııa bólimshesine aýystyrǵandaryn, jaǵdaıy jaqsaryp kele jatqanyn habarlady. 

«Astana-Ereımentaý-Shiderti» avtojolyndaǵy jol-kólik apatynan zardap shekken 2012 jylǵy er bala Ereımentaý aýdandyq aýrýhanasynan Pavlodar oblystyq balalar aýrýhanasyna sanavıatsııamen jetkizildi.

— 2025 jylǵy 19 sáýirde saǵat 18:10–da er bala Ereımentaý aýdandyq aýrýhanasynan sanıtarııalyq avıatsııa arqyly oblystyq balalar aýrýhanasyna jetkizildi. Dıagnozy: jabyq bas-mı jaraqaty, orta dárejedegi mı soqqysy, shúıde tusynda kólemdi teriasty gematomasy. Balanyń jaǵdaıy tasymaldaý kezinde turaqty boldy, ushý oıdaǵydaı ótti. Bastapqyda travmatologııa bólimshesine jatqyzyldy, keıin baqylaý jáne qarqyndy terapııa maqsatynda reanımatsııa bólimshesine aýystyryldy. Qazirgi ýaqytta balanyń jaǵdaıy turaqty, ortasha aýyrlyqta, - dep málimdedi óńirlik densaýlyq basqarmasynan.

Al oblystyq balalar aýrýhananasynyń travmotology Nursultan Muqanov qazirgi ýaqytta bala qaıtadan travmotologııa bólimshesine jatqyzylǵanyn jetkizdi. Aıtýynsha, balany travmatolog pen neırohırýrg qaraǵan. Bala esin biledi, sóılep, qımyldaı bastaǵan. Taǵy 5-7 kúndeı dárigerlerdiń baqylaýynda bolmaq.

Eske sala keteıik, Pavlodar-Astana jolynda balalar mingen avtobýs aýdarylyp, jattyqtyrýshy kóz jumdy. 

Keıin jol apatynan zardap shekken balalardyń biri jansaqtaý bólime jatqyzyldy.