Pavlodar-Astana jolynda balalar mingen avtobýs aýdarylyp, jattyqtyrýshy kóz jumdy
PAVLODAR. KAZINFORM — «Astana-Ereımentaý-Shiderti» avtojolynda «Mersedes» markaly shaǵyn avtobýstyń qatysýymen jol-kólik apaty boldy.
Aldyn ala boljam boıynsha, shaǵyn avtobýstyń júrgizýshisi jolda kele jatyp júk kóligin ozyp ótpekshi bolǵan ýaqytta aýdarylǵan.
— Avtobýs salonynda 14-16 jas aralyǵyndaǵy 16 bala jáne jattyqtyrýshy bolǵan. Olar jarysqa qatysý úshin Pavlodar qalasynan Astana qalasyna kele jatqan. Atalǵan derek boıynsha, qylmystyq is qozǵaldy, qajetti tergeý-tekserý sharalary júrgizilip jatyr, — dep habarlady Aqmola oblystyq polıtsııa departamentiniń baspasóz qyzmetinen.
Belgili bolǵandaı, balalar jeke menshik sport mektebinde jattyqqan. Sport mektebiniń basshylyǵy óz shákirtterin jarysqa jibergen ýaqytta ol týraly polıtsııa qyzmetkerlerine eskertpegen. Sáıkesinshe jolda patrýldik kólik avtobýspen birge júrmegen. Atalǵan derek boıynsha tekserý júrgizilip jatyr.
Eske sala keteıik, Qosshyda balalar mingen shaǵyn avtobýs apatqa ushyrady.