Pavlodar-Astana avtobanynda jol-kólik apatynan bes adam kóz jumdy
PAVLODAR. KAZINFORM - Pavlodar – Qyzylorda tas jolynda júk kóligi men jeńil kólik soqtyǵysqan. Apat saldarynan oqıǵa ornynda 4 jolaýshy men júrgizýshiniń mert bolǵany anyqtaldy.
Óńirlik polıtsııa departamenti habarlaǵandaı, qaıǵyly jol-kólik oqıǵasy Baıet aýylynan 5 shaqyrym jerde tirkelgen. Aldyn ala málimet boıynsha, jeńil kóliktiń júrgizýshisi jol qozǵalysy qaýipsizdigin saqtamaǵan.
— Toyota Lucida avtokóliginiń júrgizýshisi jol qozǵalysy qaýipsizdigin qamtamasyz etpeı, qashyqtyqty saqtamaı, «Sitrak» júk kóligimen soqtyǵysqan. Jol-kólik oqıǵasy saldarynan Toyota avtokóligi órtengen, — dep habarlady departamenttiń baspasóz qyzmetinen.
Oqıǵa saldarynan jeńil kóliktiń júrgizýshisi men tórt jolaýshy qaza tapqan. Polıtsııa jol-kólik oqıǵasy boıynsha qylmystyq is qozǵady.
Eske sala keteıik, buǵan deıin Aqsý qalasynyń mańynda eki adam kólikpen ózenge qulap, opat boldy.