Pavlodar arhıvterinde qujat saqtaý oryndary tapshy

PAVLODAR. KAZINFORM - Ertis-Baıan óńirindegi memlekettik arhıvterde jalpy sany 1 mln 300 myńnan astam qujat saqtaýly.

Павлодар архивтерінде құжат сақтау орындары тапшы
Фото: Павлодар облысы өңірлік коммуникациялар қызметі

Oblystyq memlekettik arhıvtiń bir ózinde búginde 1 mln 79 myń qujat bar. Mekemeniń saqtaý ǵımaraty nebári 500 myń dana qujatqa arnalǵan. Osyǵan oraı tarıhı qujattardy saqtaý orny jetispeı otyr. 

Pavlodar arhıvterinde qujat saqtaý oryndary tapshy
Foto: Pavlodar oblysy óńirlik kommýnıkatsııalar qyzmeti

- Jalpy oblystaǵy arhıvterdiń barlyǵynda oryndar tolýǵa jaqyn nemese tolyp tur. Saqtaý oryndaryn kóbeıtýge qatysty jaýapty mınıstrlikke usynystarymyzdy jiberip, jańadan qosymsha ǵımarattar salýǵa oń sheshim alǵanbyz. Biraq byltyr bıýdjettik shyǵyndar ońtaılanýǵa baılanysty bul jobalar toqtap qaldy. Bıyl aýdan-qalalarda jobalar qolǵa alyna bastaıdy degen senimdemiz. Birdi-ekili aýdanda ǵana kommýnaldyq jelilerge, jerge baılanysty máseleler sheshilmegen. Eger qurylys qarajattary sheshiletin bolsa, ol máselelerdi sheshýge bolady. Jańa ǵımarattar kezeń-kezeńimen turǵyzylady. Qazirgi jumys istep turǵan arhıv mekemeleriniń tek ekeýi ǵana tıptik ǵımarat bolyp esepteledi (ekeýi de oblys ortalyǵynda). Qalǵany beıimdelgen ǵımarattar, - deıdi oblystyq mádenıet, tilderdi damytý jáne arhıv isi basqarmasy basshysynyń orynbasary Saıaýysh Sádýaqasov.

Pavlodar arhıvterinde qujat saqtaý oryndary tapshy
Foto: Pavlodar oblysy óńirlik kommýnıkatsııalar qyzmeti

Oblystyq arhıvte saqtalǵan qujattardyń eń eskisi 19-ǵasyrdyń basyna tıesili. Al qordyń denin ótken ǵasyrdyń basynan bergi qujattar quraıdy. Arhıv salasynda maman tapshylyǵy asa baıqalmaıdy. «Arhıv 2025» baǵdarlamasy aıasynda qujattardy tsıfrlandyrý jalǵasyp jatyr. Búginge deıin 150 myńnan astam qujat tsıfrlansa, olardyń basym bóligi memlekettik is qujattarynan turady. Aldaǵy ýaqytta jeke tektik qujattar da tsıfrlyq júıege kóshedi degen jospar bar. Bıyl oblystyq arhıvtiń qosymsha 40 myńdaı qujatty elektrondy túrde tanystyramyz degen jospary bar. 

Pavlodar arhıvterinde qujat saqtaý oryndary tapshy
Foto:Pavlodar oblysy óńirlik kommýnıkatsııalar qyzmeti

Aıtyp óteıik, bıyl oblystyq arhıvke qaraıtyn ǵımarattyń birine jóndeý júrgiziledi. Qazir qazynadan qarajat bólinip, merdigerdi anyqtaý boıynsha konkýrstyq is-sharalar júrip jatyr.

Eske sala keteıik, Pavlodarda neolıt kezeńińde jasalǵan qysh qumyralar saqtalyp tur

Сейчас читают