Pavlodar alıýmınıı zaýytynda jazataıym oqıǵa boldy

ASTANA. KAZINFORM – «Qazaqstan alıýmınııi» AQ gıdrometallýrgııalyq tsehynda jumys kezinde eki jumysshyǵa siltili eritindi tıgen.  Olardyń biri jansaqtaý bóliminde jatyr.

Oqıǵa 15 tamyzǵa qaraǵan túni bolǵan.

«Zardap shekkender qalalyq aýrýhananyń kúıik bólimine jetkizildi. Olardyń biri jalpy palatada emdelse, ekinshi qyzmetker jansaqtaý bóliminde jatyr. Zardap shekkenderge barlyq qajetti kómek kórsetilýde. Kásiporyn qajetti dári-dármekter satyp aldy, jansaqtaý bólimindegi qyzmetkerge kúıikke qarsy tósek satyp alyndy, ol bólimde qalady», - dep túsindirdi alıýmınıı zaýytynda. 

Oqıǵa týraly tıisti organdarǵa habarlanyp, tergeý amaldary júrgizilýde. Oblystyq densaýlyq saqtaý basqarmasy naýqastardyń jaǵdaıy týraly keıinirek habarlaýǵa ýáde berdi.

Eske sala ketsek, 2024 jyldyń mamyr aıynda Aqsý ferroqorytpa zaýytynda bolǵan órt kezinde eki kranshy zardap shekti: ystyq metaly bar shómish sýdyń shuńqyryna túsip, metall aǵylyp, saldarynan eki kran órtendi. Zardap shekkenderdiń biri alǵan jaraqattarynan komaǵa túsip, keıin qaıtys boldy. Keıin eńbek basqarmasy kásiporynnyń kinási 100 paıyz dáleldengenin habarlady.