«Pavlodar» áleýmettik-kásipkerlik korporatsııasyna jańa basshy keldi
PAVLODAR. KAZINFORM — Atalǵan laýazymǵa Pavlodar oblysy ákiminiń orynbasary qyzmetinde bolyp kelgen Dáýren Jambaıbek taǵaıyndaldy.
«Pavlodar» áleýmettik-kásipkerlik korporatsııasynyń dırektorlar keńesiniń sheshimimen Daýren Jambaıbek basqarma tóraǵasy laýazymyna taǵaıyndaldy.
Daýren Jambaıbek 1981 jyly dúnıege kelgen. Qazaqstan Respýblıkasy Prezıdenti janyndaǵy Memlekettik basqarý akademııasyn támamdaǵan.
Eńbek jolyn Qazaqstan Respýblıkasynyń básekelestikti qorǵaý jáne tabıǵı monopolııalardy retteý agenttiginiń jetekshi mamany retinde bastaǵan. Ár jyldary QR Parlamenti Májilisiniń depýtatynyń kómekshisi, ekonomıka jáne bıýdjettik josparlaý, óńirlik damý, ulttyq ekonomıka mınıstrlikterinde ártúrli laýazymdarda qyzmet atqardy.
Atalǵan laýazymǵa taǵaıyndalǵanǵa deıin, 2023 jyldan bastap Pavlodar oblysy ákiminiń orynbasary qyzmetin atqardy.
Eske sala keteıik Abaı oblysynyń dene shynyqtyrý jáne sport basqarmasyna jańa basshy taǵaıyndaldy.