«Pavlodar» ÁKK»-da «Ashyq esikter kúni» aktsııasy bastaldy
Keshe onyń bólimshesi - «Pavlodar» qarjylyq ortalyǵynda» «Jumyspen qamtý-2020» baǵdarlamasy boıynsha nesıe alǵysy keletin jańadan bastap kele jatqan jáne jumys istep júrgen kásipkerlerge keńes berildi.
Bir kúnde munda bıznesti damytýǵa qaryz alý múmkindigi, kepil týraly aqparat, paıyzdyq mólsherlemelerdiń kólemi qyzyqtyrǵan 30 adam boldy.
«Bıznesimdi keńeıtkim keledi. «KamAZym» bar, tasymaldaýlarmen aınalysamyn. Tirkeme jáne pisirý apparatyn, qosymsha shyǵyn materıaldaryn satyp alamyn. Maǵan jańa baǵdarlama boıynsha qalaı nesıe alýǵa bolatynyn aıtty», - dep bólisti Maı aýdanynyń turǵyny Nurlan Sýjenov.
Sharbaqty aýdanynyń jeke kásipkeri Nana Gvıshıanı jeńildik nesıesin almaqshy. «Bizde jumys istep turǵan otbasylyq bıznesimiz bar. Ony keńeıtip, unnan pisiriletin jáne jartylaı fabrıkattar óndirisin ashpaqshymyz. Jabdyqtar men shıkizattardy satyp alý úshin úsh mıllıon teńge qajet. Meni qyzyqtyratyn suraqtarǵa tııanaqty túsinik berilgenine óte rızamyn», - dedi ol.
«Pavlodar» ÁKK-da aýyl turǵyndaryn jeke bıznesti uıymdastyrýdaǵy memlekettik qoldaý týraly aqparattandyratyn «Ashyq esikter kúniniń» sondaı-aq memlekettik baǵdarlamalardyń uıymdastyrýshy-operatorlarynyń qatysýymen oblystyń aýdandarynda da ótetindigin atap ótti.