Pavlodar ákimi halyqtyń muń-muqtajyn tyńdaýdyń jańa tásilin usyndy

ASTANA. QazAqparat - Pavlodar oblysynyń ákimdiginde halyqtyń aryz-shaǵymyn beınesaýal retinde jazyp alatyn arnaıy kabınet ashyldy, dep habarlaıdy QazAqparat.

Barlyq vıdeoótinimder tikeleı ákimniń qaraýyna túsedi.

Bul týraly óńir ákimi Bolat Baqaýov Instagram jelisindegi paraqshasynda málimdedi.

«Endigi jerde oblystyq ákimdiktiń ǵımaratynda árbir oblys turǵyny ózin tolǵandyrǵan másele boıynsha beınesaýal jazyp qaldyra alady. Barlyq beınesaýaldar tikeleı meniń qaraýyma kelip túsedi», - delingen ákim jazbasynda.

Aıta keteıik, Bolat Baqaýov 2019 jyldyń aqpan aıynda Instagram jelisinde paraqsha ashyp, eki aıda 16 myńnan astam oqyrman jınady. Paraqshada ákimniń oqıǵalarǵa jeke pikirleri, otbasylyq sýretteri, óńir jaǵdaıy týraly málimetter jazylǵan.