Pavlodar ákimdigi polıgonnan zardap shekkenderdiń ótemaqysyna túsinik berdi
PAVLODAR. QazAqparat - Sońǵy kezderi Semeı ıadrolyq synaq polıgony áserinen zardap shekken azamattardyń tarapynan túsetin ótinishter jıilegen. Degenmen olardyń kóbiniń ótinishi keri qaıtarylyp otyr.
Osyǵan oraı qalalyq jumyspen qamtý jáne áleýmettik baǵdarlamalar bólimi qandaı jaǵdaıda ótemaqy usynylatyny týraly túsinik berdi, dep habarlaıdy pavlodarnews.kz.
Qazaqstan Respýblıkasynyń «Semeı ıadrolyq synaq polıgonyndaǵy ıadrolyq synaqtardyń saldarynan zardap shekken azamattardy áleýmettik qorǵaý týraly» № 1787- XII Zańy 1992 jyly 18 jeltoqsanda qabyldandy, ótemaqy tóleý 1993 jyldan bastap júzege asyrylýda. Búgingi kúni Semeı polıgony boıynsha ótemaqy tóleý bóligine zańnamada bir de bir tolyqtyrýlar men ózgerister engizilgen joq. Bul birjolǵy ótemaqy ómirde bir márte beriledi. Qaıta tapsyrylǵan bolsa, tóleýden bas tartylady.
