Pavlodar ákimdigi áleýmettik dúkenderdegi baǵalardy tekserdi
Pavlodar qalasynyń kásipkerlik jáne aýyl sharýashylyǵy bóliminiń qyzmetkerleri Pavlodar oblystyq kásipkerlik jáne saýda basqarmasy men Turaqtandyrý qoryn basqarý departamentiniń ókilderimen birlesip, Jańa jyl qarsańynda áleýmettik mańyzy zor taýarlardyń baǵalaryn turaqtandyrý maqsatynda arnaıy monıtorıng júrgizdi.
«Búgingi tańda turaqtandyrý qory arqyly birinshi surypty unnan daıyndalǵan nan áleýmettik jáne bólshek saýda dúkenderine 75 teńgeden jetkizilýde. Buǵan qosa taýyq jumyrtqasynyń bir danasy 26 teńgeden saýdalana bastady»,-dep habarlady Pavlodar oblysy ákimdiginiń ókilderi.
Jumys tobynyń ókilderi baǵamen baılanysty jaǵdaımen tanysty.
Áleýmettik mańyzy zor taýarlardy satatyn dúkenderdi aralaý barysynda saýda ókilderine turaqtandyrý qoryndaǵy azyq-túliktiń jaǵdaıy týraly aıtyldy.
«Reıd sharalarynyń barysynda zańbuzýshylyqtar anyqtalǵan joq. Áleýmettik mańyzy zor taýarlardyń baǵasy jergilikti atqarýshy organdardyń jiti baqylaýynda»,-dedi ákimdik ókilderi.
Anton Gagarın
