«Pavlodar» AEA respýblıka boıynsha eń tıimdisi atandy
PAVLODAR. QazAqparat - «Pavlodar» AEA 1 teńge bıýdjet qarjysyna 14 teńge jeke menshik ınvestıtsııa tartyp, Qazaqstan boıynsha tıimdi arnaıy ekonomıkalyq aýmaqtar reıtınginde birinshi oryndy ıelendi, dep habarlaıdy pavlodarnews.kz.
Bul týraly óńirlik kommýnıkatsııalar qyzmetinde ótken baspasóz jıynynda oblys ákiminiń orynbasary Jaıyq Sharabasov aıtty. - Arnaıy ekonomıkalyq aýmaqtaǵy ınfraqurylym 17 paıyzǵa aıaqtalǵan, - dedi Jaıyq Sharabasov. - Bıylǵy jyly big-bag qaptary men «Novopack» JShS-nde tórt jarym mıllıard teńgege vagondarǵa arnalǵan ishpek óndirisi jobasyn iske asyrýdy qolǵa alamyz. Joba qujattary tirkeýge daıyndyq satysynda».
Sonymen qatar oblys ákiminiń orynbasary bastapqy alıýmınııdi jetkizý boıynsha ERG kompanııasy toby alıýmınıı baǵandary jáne profılder óndirisi boıynsha polıaktardyń «Grýppa Ketı» kompanııasymen kelissózder júrgizip jatqanyn atap ótti. Investıtsııa kólemi 28 mlrd teńgeni quraıdy. Joba jumystary birinshi jarty jyldyqta bastalady dep josparlanýda. - Alıýmınıı klasteri aıasynda alıýmınıı qorytpasynan profıl, sym, plıta óndirisin uıymdastyrý josparlanýda jáne bolashaqta formasy ózgertiletin buıymdar men quıylmaly óndiris tsıklyn iske qosý josparda bar. 2020 jylǵa qaraı alıýmınıı klasteri aıasynda 10 shaqty kásiporyn qurylady. Kórsetkish 2025 jylǵa qaraı 20 kompanııaǵa deıin jáne tutynylatyn bastapqy alıýmınıı 150 myń tonnaǵa deıin artady, - deıdi Jaıyq Sharabasov.
Spıkerdiń aıtýynsha, qazaqstandyq-qytaılyq jobalar tizimine kiretin «TENIR Logistic» - hımııa-metallýrgııalyq keshenge 465 mlrd teńge tartady. «Mıneral prodýkt» JShS ónimdiligi 200 myń teńgeni quraıtyn ferroqorytpa óndirisi jobasyn daıyndaýda. Investıtsııalyq artyqshylyqtardy usynýdan basqa, AEA qyzmeti tıisti ınjenerlik ınfraqurylymdy qamtamasyz etýge ýáde beredi. Bıyl qurylǵylardy tazartýdy jalǵastyrýǵa 1,4 mlrd teńge bólingen. 2018 jylǵa qosymsha 865,1 mln teńge qosymsha qajettilikke ótinish berilgen. Bul qarjy keden termınalynan ońtústik tehnıkalyq dáliz boıynsha AEA qurylǵylaryna deıin jalǵasady.
