Pavel Dýrovtyń Kólsaıǵa shomylýyna jol bergen qyzmetkerler jazalanady

QONAEV. KAZINFORM – Telegram messendjeriniń negizin qalaýshy Pavel Dýrov Almaty oblysyndaǵy Kólsaı sýyna shomylyp jatqan beınejazbasyn jarııalady.

Bul oqıǵaǵa baılanysty «Kólsaı kólderi» memlekettik ulttyq tabıǵı parkiniń ókili málimdeme jasady.

– Kólsaı kólderinde shomylý týrıstik marshrýttyń tólqujatyna sáıkes qatań túrde tyıym salynǵan. Osy jaǵdaıǵa baılanysty park basshylyǵy qyzmettik tekserý jumystaryn bastady. Onyń qorytyndysy boıynsha tıisti baqylaýdy qamtamasyz etpegen jaýapty qyzmetkerlerge tártiptik sharalar qoldanylady, - dep habarlady ulttyq tabıǵı parkinen.  

Eske salaıyq, buǵan deıin Pavel Dýrov Astanadaǵy startapshylar baıqaýynda qazylyq etti.