Pavel Dýrovtyń baılyǵy bir jylda 2,5 esege azaıdy
QARAǴANDY. KAZINFORM — Telegram messendjeriniń negizin qalaýshy ári ıesi Pavel Dýrov qazirgi ýaqytta 6,6 mıllıard dollar baılyqqa ıe. Al ótken jyly onyń dáýleti 17,1 mıllıard dollar bolǵan. Bul týraly amerıkalyq Forbes jýrnaly habarlady. Basylym muny naryqtaǵy jaǵdaıdyń nasharlaýymen túsindiredi, dep jazdy DW.
Dýrov Forbes reıtınginde 2016 jyldan beri kórsetilip keledi. Al 2018 jyly ol resmı túrde mıllıarderler qataryna qosylǵan.
Onyń baılyǵynyń eń joǵary kórsetkishi 2021 jyly tirkelgen. Sol kezde Dýrovtyń dáýleti 17,2 mıllıard dollar dep baǵalanǵan.
Eske sala keteıik, buǵan deıin Telegram negizin qalaýshy Pavel Dýrovtyń TikTok-tegi akkaýnty buǵattalǵanyn jazǵan edik.
Ol Google men Amazon-ǵa balama bolatyn Cocoon kompanııasyn iske qosqan edi.
