Pavel Dýrov óziniń tutqyndalýy týraly: Bul Frantsııa polıtsııasynyń qateligi
ASTANA. KAZINFORM – Telegram-nyń negizin qalaýshy Pavel Dýrov óziniń tutqyndalýyn Frantsııa polıtsııasynyń qateligi dep atady.
Onyń sózinshe, iri platformanyń bas dırektoryn onyń qoldanýshylarynyń áreketi úshin tutqyndaý zań turǵysynan da logıkalyq jaǵynan da aqylǵy syıymsyz.
- Meni Frantsııa polıtsııasynyń qateligi ushin ustady. Olar 2024 jyldyń tamyzyna deıin Frantsııa men Eýropalyq Odaq zańdaryn elemegen, ıaǵnı zań talaptaryna saı Telegram-ǵa suraý salmaǵan. Olarǵa zań tártibin gýgl arqyly-aq bile salýǵa bolatyn edi,- dep jazdy ol óziniń Telegram paraqshasynda.
Dýrovtyń sózinshe, bir jyl ótti, al tergeý áli aıyp taǵa almaı otyr. Sebebi Telegram Frantsııadan jiberilgen barlyq zańdyq, mindetti saýaldarǵa jaýap berip otyrdy.
Dýrov óziniń Frantsııaǵa ár 14 kún saıyn baryp turýǵa májbúr bolyp otyrǵanyn aıtty. Al appelıatsııa merzimi áli taǵaıyndalmaǵan.
- Ókinishke oraı, meniń tutqyndalýymnyń jalǵyz nátıjesi - ol Frantsııa ımıdjine erkin memleket retinde úlken nuqsan keldi,-dedi ol.
Osyǵan deıin Dýrov Telegram Reseı naryǵyndaǵy jumysyn jalǵastyra beretinin aıtqan bolatyn.