Pavel Dýrov Qazaqstanda JI-zerthanasy ashylǵanyn málimdedi
ASTANA. KAZINFORM — Digital Bridge forýmynda Pavel Dýrov Qazaqstanda JI-zerthanasy ashylǵanyn habarlady. Bul týraly Aqorda málim etti.
— Bir jyl buryn Qazaqstanda bizdiń alǵashqy óńirlik keńsemizdi ashtyq, qol jetkizgen nátıjelerge óte qýanyshtymyz. Búgin biz Alem.ai ǵımaratynda jasandy ıntellekt salasyndaǵy arnaıy zerthanany ashatynymyzdy qýana habarlaımyn. Eń aldymen, biz Telegram jáne Qazaqstannyń sýperkompıýterlik klasteri arasyndaǵy birlesken jobany júzege asyryp otyrmyz, bul joba Jasandy ıntellekt mınıstrligimen qolǵa alynyp otyr. Bul tehnologııa mıllıardtan astam adamǵa jasandy ıntellekt fýnktsııalaryn qupııa túrde, ashyq jáne tıimdi túrde paıdalanýǵa múmkindik beredi. Biz Qazaqstannyń sýperkompıýterlik klasteri osy jeli úshin esepteý qýattarynyń alǵashqy iri jetkizýshisi bolady dep úmittenemiz, — dedi Dýrov.
Forýmda Majarstan Prezıdenti Tamash Shýıok, Sinovation Ventures jáne 01ai bas dırektory Lı Kaı Fý, Stenford ýnıversıtetiniń ǵylymı qyzmetkeri, Google sarapshysy Pıter Norvıg, G42 International kompanııasynyń bas dırektory Mansýr Ibragım Ál Mansýrı, Stenford ýnıversıtetiniń professory Ilıa Strebýlaev sóz sóıledi.
Eske sala keteıik, atalǵan forýmda Prezıdent árbir jańa memlekettik qyzmet kórsetý eń áýeli tsıfrlyq formatta jasaqtalýǵa tıis ekenin aıtqan bolatyn.