Pavel Dýrov Google men Amazon-ǵa balama bolatyn Cocoon kompanııasyn iske qosty
ASTANA. KAZINFORM – Pavel Dýrov Google men Amazon-nyń dástúrli qyzmetin almastyratyn Cocoon (Confidential Compute Open Network) platformasynyń iske qosylǵanyn habarlady.
- Bizdiń ortalyqsyzdandyrylǵan, jeke esepteý jelimiz Cocoon iske qosyldy. Cocoon paıdalanýshylardyń alǵashqy jasandy ıntellekt suranysyn 100% qupııalylyqpen óńdep jatyr. GPU ıeleri qazirdiń ózinde TON alady. https://cocoon.org veb-saıty jumys istep tur, qujattama men bastapqy kod qoljetimdi, - dep habarlady Pavel Dýrov Telegram-da.
Dýrov atap ótkendeı, Amazon jáne Microsoft sııaqty ortalyqtandyrylǵan esepteý provaıderleri qymbat deldal retinde áreket etedi, baǵalardy kóterip, qupııalylyqty tómendetedi. Sonymen qatar Cocoon dástúrli jasandy ıntellekt provaıderlerimen baılanysty ekonomıkalyq jáne qupııalylyq máselelerin sheshedi.
- Endi masshtabtaýǵa qatysty. Aldaǵy aptalarda biz kóbirek GPU qýatyn qosamyz jáne Cocoon-ǵa kóbirek ázirleýshilerdi tartamyz. Telegram paıdalanýshylary 100% qupııalylyqqa negizdelgen jańa AI múmkindikterin kúte alady. Cocoon baqylaý men qupııalylyqty paıdalanýshylarǵa qaıtarady, - dedi Telegram negizin qalaýshy jáne TON ekojúıesin jasaýshy.
Aıta keteıik, Pavel Dýrov Astanada startapshylar baıqaýynda qazylyq etti.
