Pavel Astahov Reseıdegi balalar úılerin jabýdy usyndy
ASTANA. 29 aqpan. QazAqparat - Reseıde balalar úıleri jabylýy múmkin, al olardyń tárbıelenýshilerin asyrap alatyn otbasylarǵa beredi. Bul týraly prezıdent janyndaǵy balalar quqyqtary jónindegi ýákil Pavel Astahov málim etti, dep habarlady Ýtro.rý.
Astahovtyń pikirinshe, balalar úıleriniń kópshiliginiń basty problemasy - olardyń túlekteri «úlken ómirge áleýmettik beıimdelmegen» bolyp shyǵady. Balalar ombýdsmeni balalar úıleri men ınternattardan bosaǵan qarajat balalardy asyrap alatyn otbasylaryna berilýi tıis dep sanaıdy, sonda bolashaq ata-analardyń olardy tárbıeleýge alýyna múmkindik týady. «Jetimdersiz Reseı» urany memlekettik apparat jumysynyń basty salalarynyń biri bolýy tıis, al úkimette otbasy mınıstrligi qurylýy qajet», dep atap ótti Astahov.
