Paýerlıftıngten álem chempıonynyń ólimine kúdikti qolǵa tústi
ASTANA. QazAqparat - Paýerlıftıngten 120 kelige deıingi salmaqtaǵy álem jáne Eýropa chempıony Andreı Drachovty óltirdi dep kúdik keltirilip otyrǵan adam ustaldy. Bul týraly AmurMedia-ǵa silteme jasap, Lenta.ru habarlaıdy.
Derekkózdiń habarlaýynsha, kúdikti qamaýǵa alyna salysymen onyń advokattary oǵan taǵylyp otyrǵan aıyp jeńildetýge kirisken. Osyǵan deıin Reseıdiń Habarov ólkesi boıynsha Tergeý komıtetiniń tergeý organdary RF QK-degi 111 bap, 4 bólim (Kisi ólimine alyp kelgen qasaqana dene jaraqatyn salý) boıynsha qylmystyq is qozǵaǵan bolatyn.
Osyǵan deıin Drachevtyń Habarovs ortalyǵynda bolǵan tóbeles kezinde onyń aýyr jaraqat alǵany habarlanǵan bolatyn. Sportshy aýrýhanaǵa jetkizilgenine qaramastan qaıtys bolyp ketti. Beınejazylymda er adamnyń Drachevqa qolmen jáne aıaqypen birneshe ret soqqy bergen soń, paýerlıfterdiń qulaǵany jazylyp qalǵan. Ol budan soń da basynan birneshe ret soqqy aldy.
