Paýerlıftıngshi Gýzal Ergesheva Anglııada qaıtys boldy
ASTANA. KAZINFORM – Qazaqstandyq sportshy jáne paýerlıftıngshi Gýzal Ergesheva 8 tamyzda Anglııada qaıtys boldy. Parasportshy kúıeýimen birge sol jaqta turǵan.
Qaraly habardy telejúrgizýshi Ádel Orazalınova (Adel Smıt) jetkizdi. Ol 30 jylǵa jýyq sportshynyń jaqyn dosy bolǵanyn aıtty.
Onyń aıtýynsha, túnde uıyqtap jatqanda talmasy ustaǵan. Ergesheva bir kún buryn kúıeýiniń týystarymen ýaqyt ótkizip, sodan keıin dosymen kezdesken.
- Ol júregi mahabbatqa toly, súıikti, jarqyn, alǵa qoıǵan jospary kóp jáne dostyqqa adal jan edi, - dep jazdy Ádel Orazalınova.
Gýzal Ergeshevanyń otbasy qazir sportshynyń denesin Qazaqstanǵa qaıtarý jumysyn uıymdastyryp jatyr.
Ádel Orazalınova áleýmettik jelide oqyrmandarynan Ulybrıtanııadan repatrıatsııa protsesi týraly aqparat surady. Sonymen qatar Qazaqstan konsýldyǵynyń ókilderimen baılanysýǵa kómek kórsetýdi ótindi.
Esterińizge sala keteıik, 2017 jyly paýerlıftıngshi Gýzal Ergesheva Kanadada boıy alasa adamdar arasyndaǵy álem chempıonatynda altyn medal jeńip alǵan bolatyn.
