Patsıenttiń medıtsınalyq tarıhy barlyq medıtsınalyq uıymǵa qoljetimdi bolady

ASTANA. KAZINFORM – Elimizde densaýlyq saqtaý salasyn tsıfrlandyrýdyń jańa tásili engizilip jatyr. Endi basty nazar jekelegen medıtsınalyq protsesterdi tsıfrlandyrýǵa emes, azamattyń medıtsınalyq tarıhy barlyq medıtsınalyq uıymǵa qoljetimdi bolatyn biryńǵaı tsıfrlyq ekojúıe qalyptastyrýǵa baǵyttalmaq. Bul týraly Quryltaı depýtattarynyń saýalyna Densaýlyq saqtaý vıtse-mınıstri Tımýr Sultanǵazıevtiń jaýabynda aıtylǵan.

qyzmetker
Foto: Mýhtor Holdorbekov / Kazinform

- Qazirgi ýaqytta mınıstrlik jekelegen medıtsınalyq protsesterdi tsıfrlandyrý tásilinen bas tartyp, densaýlyq saqtaý salasynyń biryńǵaı tsıfrlyq ekojúıesin qalyptastyrýǵa baǵyttalǵan júıeli tásildi iske asyryp jatyr. Bul rette tsıfrlyq arhıtektýra úsh negizgi qatysýshynyń – azamattyń, medıtsınalyq uıymnyń jáne memlekettiń ózara is-qımyly negizinde qalyptastyrylady. Atalǵan tásildiń negizgi maqsaty – patsıentke baǵdarlanǵan densaýlyq saqtaý júıesin qurý, ıaǵnı, azamattyń medıtsınalyq tarıhy medıtsınalyq kómek kórsetiletin uıymnyń qandaı tsıfrlyq júıeni paıdalanatynyna qaramastan, qajetti jerde qoljetimdi bolýy tıis,- dedi vıtse-mınıstr.

Onyń atap óýtinshe, medıtsına qyzmetkerleri úshin ártúrli tsıfrlyq júıelerge birdeı málimetterdi qaıtalap engizý qajettiligin boldyrmaý jáne patsıenttiń medıtsınalyq derekterin biryńǵaı tsıfrlyq ortada qoljetimdi etý kózdeledi.

- Al memleket úshin medıtsınalyq kómek kórsetý protsesteriniń, densaýlyq saqtaý júıesiniń jaı-kúıi men qolda bar resýrstardyń biryńǵaı kórinisin qalyptastyrý mańyzdy. Osyǵan baılanysty tsıfrlyq júıelerdiń ózara ıntegratsııasyn damytý, medıtsınalyq derekterdiń sapasy men tolyqtyǵyn qamtamasyz etý, tsıfrlyq júıelerdiń turaqty jumys isteýin arttyrý, sondaı-aq medıtsınalyq qyzmetkerler men azamattar úshin tsıfrlyq servısterdiń qoljetimdiligin keńeıtý basym baǵyttar sanalady. Usynylǵan bastamalardy iske asyrý múmkindigin aıqyndaý maqsatynda qoldanystaǵy tsıfrlyq júıelerdiń tehnıkalyq jáne fýnktsıonaldyq múmkindikterine taldaý júrgizý, qajetti ózgeristerdi anyqtaý jáne olardy engizý kezeńderi men merzimderin aıqyndaý kózdeledi. Atalǵan jumystar tehnıkalyq jáne uıymdastyrýshylyq múmkindikterdi, sondaı-aq densaýlyq saqtaý salasynyń tsıfrlyq arhıtektýrasyn damytý basymdyqtaryn eskere otyryp, kezeń-kezeńimen júzege asyrylady, - dedi Tımýr Sultanǵazıev.

Aıta keteıik, 2026 jyldyń jeltoqsanynda medıtsıalyq bólek-bólek tsıfrlyq júıeler e-Densaulyq ekojúıesine tolyqtaı toptastyrylady.

Osyǵan deıin medıtsına qyzmetkerlerine túsetin júktemeni azaıtý úshin atqarylyp jatqan ister týraly aıttyq.