Patsıentterge dárilik zattar QR arqyly qoljetimdi bolady
ASTANA. KAZINFORM – Sońǵy jyldary densaýlyq saqtaýdaǵy tsıfrlyq ózgeris qaǵaz aınalymynan bas tartýǵa ǵana emes, sonymen qatar zamanaýı servıster negizinde medıtsınalyq kómek kórsetýdiń biryńǵaı elektrondyq ekojúıesin kezeń-kezeńimen qurýǵa múmkindik berdi. Bul týraly Qazaqstan Respýblıkasy Densaýlyq saqtaý mınıstrliginiń resmı saıty jazdy.
Mysaly, ambýlatorııalyq qabyldaý úshin dárigerge onlaın jazylýǵa bolady, emdeýge jatqyzý, dárilik zattardy alý jáne eńbekke jaramsyzdy paraqtaryn jazý tártibin qadaǵalaı alasyz. eGov Mobile mobıldik qosymshasynda qol jetimdi eDensaulyq servısiniń kómegimen paıdalanýshylar donorlyq, medıtsınalyq qarsy kórsetilimder, júkti áıelderdi esepke alý jáne dıspanserleý týraly keńeıtilgen aqparat ala alady.
Bul servıs azamattarǵa tirkeýdi anyqtaǵan jaǵdaıda Áleýmettik medıtsınalyq saqtandyrý qoryna júginýge jáne patsıenttiń qyzmet kórsetýdegi ashyqtyǵy men qanaǵattanýshylyǵyn baǵalaýdy arttyrý úshin patsıenttiń bıometrııasyn, QR-kodyn jáne SMS-rastaýdy engizýge múmkindik beredi.
Jańalyqtarǵa dáriler men medıtsınalyq buıymdardyń biryńǵaı jikteýishin iske qosý, medıtsınalyq uıymdardyń arasynda klınıkalyq derektermen almasý qyzmeti, eńbekke jaramsyzdyq paraqtary men anyqtamalaryn berý protsesin ońtaılandyrý jáne medıtsınalyq qyzmetterge aqy tóleý úshin tólem júıelerin jetildirý kiredi.
Bıylǵy jyly «E-densaulyq» ıadrosy ÁlMSQ medıtsınalyq kómegine aqy tóleýdiń biryńǵaı júıesi, elektrondyq medıtsınalyq kitapshalar, vaktsınatsııalaýdyń elektrondyq pasporty bóliginde iske qosylady. Sondaı-aq vaktsınatsııalaýǵa qarsy kórsetilimderi bar adamdarǵa medıtsınalyq qarsy kórsetilimderin esepke alýdy, QR arqyly aqyly dárilik zatty alýdy, klınıkalyq qyzmetterdiń nátıjelerin kórsetýdi avtomattandyrý engiziletin bolady.
