Patsıentterdiń jeke derekterin kimder qaraı alady

Densaýlyq saqtaý mınıstri Ajara Ǵınııat naýqastardyń jeke derekteriniń qupııalylyǵynyń saqtalýyna qatysty túsinik berdi, dep habarlaıdy Kazinform. 

Úkimet otyrysynan keıin ótken baspasóz máslıhaty barysynda «Ajar Ǵınııatqyzy, nege patsıentterdiń jeke derekterin emdeýshi dáriger ǵana emes, aýrýhananyń barlyq qyzmetkeri kóre alady? Bizde bir mysal bar. Patsıenttiń jeke kabınetine aýrýhananyń bas ınjeneri kirip qaraǵan» degen suraq qoıyldy.

«Durys aıtasyz, bul – patsıenttiń jeke derekterine qol suǵý. Jeke kabınetke tek ýchaskelik dárigerler men medbıkeler kire alady. Olarda logın men qupııa kodtar bar. Eger patsıenttiń jeke aqparattyq derekter júıesine qoljetimdilik bolmasa, dárigerler naýqastyń ruqsatyn suraýǵa quqyly. Al bas ınjenerge kelsek, ol zańsyzdyq. Siz aıtqan máseleni naqtylap, anyqtaý kerek», - dep jaýap berdi Densaýlyq saqtaý mınıstri Ajar Ǵınııat.