Patsıentter endi qyzmet sapasyn ózderi baqylaı alady
ASTANA.KAZINFORM — Elimizde medıtsınalyq qyzmetterdi QR-kod arqyly baqylaý úshin qalqan ekojúıesi engiziledi. Bul týraly Úkimettiń baspasóz qyzmeti habarlady.
Qalqan tsıfrlyq ekojúıesin engizý medıtsınalyq qyzmetterdi rastaý protsesine naýqastardy tartýǵa jáne jalǵan tirkeýlerdi joıýǵa múmkindik beredi. QR-kodtardy paıdalaný jáne mobıldi qosymshalarmen ıntegratsııalaý arqyly densaýlyq saqtaý júıesindegi ashyqtyqtyń jańa tetikteri týraly «Aqparattyq-esepke alý ortalyǵy» AQ basshysy Janasyl Ospanov málimdedi.
Onyń aıtýynsha, búgingi tańda medıtsınalyq uıymdar BSN boıynsha júıede avtorızatsııadan ótip, ózderiniń óndiristik bazasyn tsıfrlandyrýda. Nátıjesinde úsh deńgeıli sáıkestendirý júıesi: ǵımarattyń, medıtsınalyq bólimsheniń QR kody jáne emdeýshi dárigerdiń jeke kody qalyptasady. Naýqas tek qosymshany ashyp, osy QR kodty skanerlep, kórsetilgen qyzmetterdiń durystyǵyn tekserýi kerek.
— Kórsetilgen medıtsınalyq qyzmet boıynsha aqparat keıinnen habarlama arqyly patsıenttiń jeke kabınetine túsedi. Alaıda aqparattar medıtsınalyq qyzmet týraly ǵana emes, sonymen qatar qyzmet quny men qarjylandyrý kózderi boıynsha da beriledi. Osylaısha, eger qyzmetti MÁMS sheńberinde alǵany týraly habarlama kelip tússe, al naýqas qyzmet aqysyn óz qaltasynan tólegen jaǵdaıda atalǵan qosymshada birden shaǵymdanýyna bolady, — dep atap ótti Janasyl Ospanov.
Aıta ketelik Qalqan platformasy arqyly medıtsınalyq qyzmet sapasy men qarjylandyrý tolyq baqylaýǵa alynatyny týraly jazǵan edik.