Patsıentten taıaq jep, jansaqtaý bólimine túsken qostanaılyq dáriger esin jıdy

ASTANA. KAZINFORM — Qazir naýqastyń jaǵdaıynda oń dınamıka bar. Sondaı-aq patsıent jansaqtaý bóliminen nevrologııa bólimine aýystyryldy. Bul týraly Qostanaı oblystyq densaýlyq saqtaý basqarmasy habarlaıdy.

— Qazir Anton Kıstanov Ulttyq shuǵyl medıtsına úılestirý ortalyǵynyń statsıonarynda em alyp jatyr. Ol jansaqtaý bóliminen nevrologııa bólimine aýystyryldy. Patsıent 2025 jylǵy 18 shildede sanavıatsııa jelisi boıynsha kelip tústi. Dıagnozy: jabyq bas-súıek mı jaraqaty, ıaǵnı mıdyń aýyr dárejede soǵylýy. Mıdyń oń jaq jarty shary sýbdýraldy qantalanǵan. Bas súıeginiń artqy shuńqyry arqyly ótetin jelke súıegi jabyq syzyqtyq synǵan, — delingen resmı habarlamada. 

Aqparatta aıtylǵandaı, qazir naýqastyń jaǵdaıy oń dınamıkada, jaqsarý bar. Patsıent esin biledi, baılanys, baǵdar bar.

— Aýyr bas-súıek mı jaraqatyn dıagnostıkalaý hattamasyna sáıkes medıkamentozdy em taǵaıyndaldy, emdeý taktıkasy — konservatıvti, — dep tolyqtyrdy vedomstvodan.

Buǵan deıin Qostanaıda naýqastyń dárigerge shabýyl jasaǵany týraly jazǵan edik. Dáriger jansaqtaý bólimine jatqyzyldy. Oblystyq aýrýhananyń baspasóz qyzmeti kezekti operatsııany aıaqtaǵan dáriger kezekte turǵan naýqastardy qaraý úshin jedel járdem bólmesine túsken. 

Keıin patsıenttiń shabýylynan zardap shekken Qostanaı aýrýhanasynyń dárigeri Astanaǵa jetkizildi.