Patshaıym Marııa Stıýarttyń duǵa kitapshasy Christie’s bássaýdasyna shyǵarylady
LONDON. QazAqparat – Shotlandııa patshaıymy Marııa Stıýarttyń duǵa kitapshasy Christie’s bássaýdasyna shyǵarylady. Ol £350,000 ($432,000) deıingi baǵada satylatyny shamalanyp otyr. Kezinde Marııanyń duǵa oqyǵan kitapshasynyń paraqtarynda Shotlandııa patshaıymynyń túrli kezeńde qaldyrǵan jazbalary saqtaldy, dep habarlaıdy QazAqparat CNN-ge silteme jasap.
Marııa Stıýarttyń esimi óziniń romantıkalyq ómirimen, saıası qaıshy turýymen jáne bóle ápkesi, patshaıym Elızaveta І-niń «qolynan» qaza bolýymen este qalǵan.
Christie's, bássaýda úıiniń saýdaǵa shyǵaratyn qoljazbasy bastapqyda Fontevro abbattyǵy monastyriniń bastyǵy Lýıza de-Býrbon-Vandom úshin jasalǵan. 1558-1561 jyldar aralyǵynda Lýıza ony óziniń jıenshary Marııaǵa tapsyrǵan.
Kitaptyń bastapqy betinde Lýızanyń monogrammasy men epıgrafy qaldy. Kitapta, sondaı-aq, Marııa qaldyrǵan jazba men «VA TU MERITERAS» anagrammasy bar.
Qoljazba sheber Fransýa de Rogan esimimen belgili sýretshiniń 40 mınıatıýrasymen bezendirilgen. Bássaýdashylardyń aıtýynsha, de Rogan patsha Frantsısk І-niń aınalasyndaǵy suranysqa ıe sýretshilerdiń biri boldy.
Marııa Stıýart - Shotlandııa patshasy ıAkov V men Frantsııa hanshaıymy Marııa de Gızdiń qyzy. Marııanyń ákesi qaıtys bolyp, dúnıege kelýiniń altynshy kúninen bastap Shotlandııa patshaıymy atandy.
15 jasynda ol Frantsııa taǵynyń murageri Frantsıskke turmysqa shyqty. Bir jyldan keıin, 1559 jyly Frantsısk taqqa otyrdy.
Aǵylshyn patshaıymy Elızaveta І-niń buıryǵymen Marııa Stıýart 18 jyl boıy Anglııada qamaýda boldy. Elızavetanyń oılaýynsha, Marııanyń katolıktik dinı seniminiń kesirinen aǵylshyn taǵyna qaýip tóndirgen. Marııa Stıýart patshaıym Elızaveta І-ni óltirý maqsatymen qastandyq jasaýda aıypty dep tanylyp, 1587 jyly basy kesip alynǵan.
Christie’s aıtýynsha, patshaıym duǵalyq kitapshasyn Shotlandııaǵa 1561 jyly ákelýi múmkin.
Bássaýda úıiniń kitapshany saýdaǵa 29 shildede Londonda shyǵaratyny habarlanyp otyr.
